سياسة الخصوصية

موقع eduosa.com هو موقع منصة إديوسا التعليمية. للتواصل بخصوص بياناتك: ceo@eduosa.com أو واتساب +201118748922.

• لما تملا نموذج «احجز عرض»: اسمك، ورقم الواتساب، ونوع نشاطك، والمادة والمرحلة لو كتبتها، وعدد طلابك التقريبي، وبلدك، ورسالتك لو كتبت واحدة، ووقت موافقتك على التواصل.
• مصدر زيارتك لو جيت من إعلان أو رابط (مثل اسم الحملة ومعرّف الضغطة)، عشان نعرف أي إعلان وصّلك.
• لو وافقت على أدوات القياس: بيانات استخدام عامة للموقع عن طريق Google Analytics وGoogle Ads وMeta وTikTok. لو رفضت، الأدوات دي مبتشتغلش خالص.
• إحصاءات زيارات عامة من Cloudflare Web Analytics، من غير كوكيز ومن غير ما تتعرّف عليك شخصياً.

نتواصل معاك بخصوص العرض اللي طلبته، ونفهم أي إعلانات بتوصّل المدرسين للموقع. مبنبيعش بياناتك لأي حد، ومبنستخدمهاش لحاجة تانية من غير ما نسألك.

في قاعدة بيانات على Cloudflare، ومحدش بيوصلها غير فريق إديوسا. بنحتفظ بطلبك 24 شهر، إلا لو طلبت مسحه قبل كده.

تقدر تطلب نسخة من بياناتك، أو تصحيحها، أو مسحها، أو توقف أي تواصل، بكلمة على الواتساب أو الإيميل اللي فوق. وتقدر تغيّر موافقتك على أدوات القياس في أي وقت من رابط «إعدادات الخصوصية» تحت الصفحة.

بنلتزم بقانون حماية البيانات الشخصية المصري رقم 151 لسنة 2020، ونظام حماية البيانات الشخصية في المملكة العربية السعودية.

لو غيّرنا السياسة دي هنكتب تاريخ التحديث فوق.