المزايا
اعرف مين دفع من غير ما تدوّر
الطالب يدفع بالكارت على بوابتك، أو يحوّل من محفظة أو بنك ويرفع الإيصال وانت تراجعه قبل ما الكورس يفتح. والفلوس بتروح لحسابك انت.
هتكسب إيه
بوابات مصرية جاهزة
Paymob وKashier وFawry وGeidea وXPay: بتربط بوابتك انت، والفلوس بتنزل عندك مش عندنا.
استرداد مبيمسحش التقدّم
لو رجّعت لطالب فلوسه، تقدّمه في الكورس بيفضل محفوظ ومبيتمسحش.
أقساط بتفكّر لوحدها
تقسّم الكورس شهري أو على أقساط: أول قسط وقت الشرا، وقبل كل قسط بـ3 أيام الطالب بيوصله لينك دفع.
بتشتغل إزاي
بتربط طرق الدفع
توصّل بوابة الكارت بتاعتك، وتحط بيانات المحفظة والحساب البنكي اللي الطلاب يحوّلوا عليهم.
الطالب بيدفع
بالكارت على طول، أو بتحويل وصورة الإيصال، وبكوبون لو إديته واحد.
بتراجع وتتابع
توافق على الإيصال فالكورس يفتح، وتقرير المبيعات يوريك مين دفع.
أسئلة عن الميزة دي
لو الطالب اتأخر في القسط، حسابه بيتقفل؟
لأ. بعد ميعاد القسط فيه 3 أيام سماح، بعدها الكورس بيقف مؤقتاً، وأول ما يدفع بيفتح لوحده. مفيش حظر للحساب في أي خطوة.
الفلوس بتعدّي على إديوسا الأول؟
لأ. الطالب بيدفع على بوابتك أو حساباتك انت، والفلوس بتوصلك على طول، وإديوسا مبتحوّلش فلوس لحد. ودفع الكارت محتاج حساب بوابة باسمك.
منصتك باسمك.. ابدأها النهارده
احجز عرض 20 دقيقة، هنوريك منصة شغالة ونجاوب على كل أسئلتك.